Kung kelan 34 na ko’t pamilyadong tao (at magte-trenta’y singko sa enero 2011) e saka pa ko nagpagupet nang gento. Nung high school ako lampas kilay ang bangs ko (bawal sa Katoliko kong paaralan) at hanggang bewang naman nung kolehiyo (pwede sa Katoliko kong unibersidad). Noong kolehiyo, nung kasagsagan ng rakenrol e gusto ko nang pagupet ng gento kaso hindi ko magawa dahil sa mga magulang ko ako nakatira. Aba’y halos atakihin sa puso ang aking ina sa buhok kong mahaba at kung ipinilit ko ‘tong style na to e baka natuluyan na yun sa ospital. Nung ako nama’y nagtatarbaho na, bawal sa eskwelahan (guro nga pala ko). At walang shotang pumayag sa gupet na ‘to hanggang sa ngayon -pinayagan ako ng aking asawa. At nasa ibang bansa ako ngayon (sa Indonesia) kaya’t walang katropa ang ina ko na magsasabing, ‘Violy baket ganun ang buhok ng anak mo?’. At dahil Xmas break namin ngayon (isang buwan rin), e nagpagupet ako ng ganto:
‘Bout time!
Aylavet, sir!
[...] kong muli ang bagong-gupit kong buhok na mohawk. Ang inaambisyong itsura e parang lightweight na MMA fghter, pero mukang Recto punk ang [...]